حرص الفنانين أثناء فترة حرب الإستنزاف أو بعد إنتصار حرب أكتوبر فى زيارة المصابين
- تقدر تشوف جمال مصر الحقيقي فى حرص الفنانين زمان أثناء فترة حرب الإستنزاف أو بعد إنتصار حرب أكتوبر فى زيارة المصابين من جنودنا البواسل فى المستشفيات.. زيارات معنوية جايز البعض يعتبرها مالهاش لزمة بس لما تشوف صورة حلوة زي دى المعني والأثر هيوصلوا!..
- واحد من الجنود الأبطال المصريين، وهو بيتعالج، ورغم إصابته فى عينه بمجرد ما شاف إن اللي واقفة قدامه "فاتن حمامة" وجاية تشكره وتحييه على بطولته واللي واضح إن هو كمان كان بيحب يتفرج على أفلامها؛ راح بحركة لا إرادية شال الشاش من فوق عينه عشان يشوف نجمته المفضلة ونسي إصابته، ونسي التعليمات الطبية بس لمجرد إن نور فاتن حمامة طل!..
- شعبنا بكل أطيافه شعب طيب.. مصر دايماً جميلة، وعظيمة، وجزء مش قليل من عبقريتها هو تكوينها اللي الكل بيدوب فى نسيجه بمنتهي البساطة اللي تخليك ماتعرفش فرق بين مسلم ومسيحي.. غني أو فقير.. متعلم أو لأ.. عاشت مصر وعاش شعبها.... اتعلموا وشوفوا يافناني وشباب هذه الأيام واعرفوا يعني ايه وطن يعني تضحيه وفداء وإظهار وكتابه بطولات عظيمه حقيقيه في السينما أمام العالم اجمع لم تظر حتى الآن ولا نعلم عنها أي شئ حتى الآن.. يااحلى بلاد الدنيا يابلادي يامصر...
