مسلسل عائلة الحج متولي
لو شفت مسلسل عائلة الحج متولي، فأنت أكيد فاكر أدوار الممثلين في المسلسل كويس .. الحقيقة مفيش حد في دول كان ترشيح أول .. كل الأدوار اترشح لها فنانين واعتذروا وبعدين جابوا الكاست اللي طلع في المسلسل:
1-دور أمينة اترشحتله عبلة كامل عشان نجاح عبلة ونور في "لن أعيش في جلباب أبي" .. لكن عبلة أعتذرت فجابوا ماجدة زكي .
2- نعمة الله: أول ترشيح كان معالي زايد .. ولما اعتذرت رشحوا غادة عبد الرازق.. وكان نقطة انطلاقها لدرجة إني الجواهرجية عملوا كوليكشن غوايش سموه غاويش نعمة الله.. وباع كتير قوي في الخليج.
3- شخصية مديحة جابوا فيها ندى بسيوني ولما اعتذرت رشحوا نرمين الفقي واعتذرت.. فجابوا سمية الخشاب.. وندى قالت بعد كدا إنها ندمانة على اعتذارها.
4- شخصية سعيد اللي عملها مصطفى شعبان رشحوا ليها محمد نجاتي.
5- دور الحاجة زبيدة اللي عملته فادية عبد الغني كان دور الفنانة نادية رشاد.. وصورت بالفعل في المسلسل أسبوع .. وبعد كدا قالتلهم والله ما أنا مكملة فمشوها وجابوا فادية عبدالغني .. مش عارف ليه اعتذرت بعد ما صورت بس حصلت كتير.
6-خد التقيلة بقي.. إن أساسا اللي اترشح للدور الأول كان محمود عبدالعزيز مش نور الشريف.. بس كان مشغول في أعمال سينمائية فاعتذر.
7-معلومة برضه عن المسلسل دا.. إن شقق زوجات متولي كلهم ديكور واحد.. كانوا يعملوا الديكور بتاع الشقة ويصوروا كل المشاهد فيها.. ويهدوا الديكور ويعملوا ديكور شقة تانية في نفس الشقة.. بعد عشر سنين من المسلسل .. اتفقوا يعملوا جزء تاني من المسلسل.. بس محصلش نصيب .. تعب نور الشريف كذا مرة.. خلي الفكرة مكملتش.