- عمرك بصيت لواحدة غيرها ؟!
= عمري، عمري ما بصيت لغيرها من ٦٢ سنة، كل ما تكبر أحبها اكتر .. كل ما تكبر احبها اكتر وهكذا .
= قبل ما تموت بيوم كنت أنا بصور في الاستوديو ، روحت البيت دخلتلها الاوضة وهي تعبانة ، قولتلها معلش يا حبيبتي انا كنت بصور ، قالتلي عشان كدا البيت كان مضلم ورحلت عني تاني يوم ...
بقعد في الأوضة دلوقتي لوحدي وهي مش معايا ومش جنبي بس بشوفها.. بشوفها وهي عندها ١٧ سنة وأنا معجب بيها وبشوفها وهي عندها ٣٥ وبشوفها وهي عندها ٥٠ ..بشوف الكفاح اللي كافحته معايا، الظروف اللي عاشتها معايا كانت شايلاني وكان بيننا إخلاص وثقة مش طبيعية.
* أجمل ما قاله الفنان رشوان توفيق عن زوجته في حوار له بعد وفاتها ❤رحمه الله عليه وربنا يعطيه الصحه❤️فعلا مااجمل الوفاء والموده والرحمه بيبن الزوجين ❤️