"لسه بدك ترمينا في البحر يا جمال"
#الممر
لو إياد نصار معملش في حياته كلها إلا الفيلم ده فهذا يكفيه واسبابي منطقية للغاية وهي أن طول عمرنا متعودين في افلامنا أن العساكر أو الضباط الإسرا*ئيليين بيبقي مجانين زي ما عمله الأستاذ محي اسماعيل كده في فيلم الرصاصة لا تزال في جيبي أو في بيرقصوا في خمارة مع الست نادية الجندي ويغنوا "هافا نجيلا هافا" .
لكن ديه أول مرة اشوف في السينما المصرية شخصية ضابط إسرا*ئيلي ولها أبعاد درامية حتي وإن كانت مش مكتملة للبناء الدرامي لكن شخصية بتتكلم زيينا مش بتخنف ولا بتقول يا حبيبي ولا بترقص ولا بتبص بصة مجانين (ربنا يمسيك بالخير يا أستاذ محي) لكن الشخصية اللي جسدها إياد من لحم ودم ولها دوافع بانت من أول مشاهد له في الفيلم وحتي نظرته لصورة الرئيس جمال عبدالناصر وهو بيكلم الصورة كأنه فعلاً قدام عبدالناصر ومعتقدش أن في فيلم اتجسد فيه شخصية الضابط الإسرائيلي زي ما جسدها إياد نصار حتي استخدامه للكنه الفلسطينية عشان يعطي للمشاهد تاريخ للشخصية أنه من العرب اليهو.د ، في الحقيقة إياد نصار من أفضل الممثلين اللي شوفتهم في حياتي لعبوا دور الضابط الإسرائيلي. وبالنسبه لي اجمل وافضل ممثل علي الساحه ياريت واتمني ان يشيل اعمال وبطوله لوحده هنشوف نجم حقيقي